रातवा

अरुण सु पाटील
Wednesday, 14 August 2019

पाऊस भीतीचा कोसळतो
मंद काजवा धुंद रातवा
पायी सरसर कुणी सरपटतो  
भयकंपे काटा फुलुनी 

पाऊस भीतीचा कोसळतो
रात्र अंधारी अशा एकांती
चिंब भिजून अंगा भिडतो
दुःख जगाचे नभी साठवून 
रात्रंदिन का हा रडतो
पाऊस भीतीचा कोसळतो
वीज कडाडता घनी अंबरी

बिलगून तुझा उर धपापतो
सळसळ सळसळ पाने करुनी 
भयसंगीत मनी छेडितो
पाऊस भीतीचा कोसळतो
मंद काजवा धुंद रातवा
पायी सरसर कुणी सरपटतो  
भयकंपे काटा फुलुनी 

अधिक बिलगण्या धडपडतो
पाऊस भीतीचा कोसळतो
आठवून भयरात्र पावसाळी
जीव अजुनही धडधडतो
एकमेकां असून तरूतळी
अंधारी प्रणय अवघडतो
पाऊस भीतीचा कोसळतो

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App

Related News