अशी बनवतात मालवणी गोळ्याची आमटी

सकाळ वृत्तसेवा (यिनबझ)
Wednesday, 5 June 2019

साहित्य - बारिक चिरलेला कांदा २ वाट्या,
बारिक चिरलेली कोथिंबीर १ वाटी,
जिरे-धण्याची पूड १ च चमचा,
एखादी गरम मसालापूड (अगदी थोडी), चवीला हळद, तिखट, मीठ,
बेसन अंदाजे तीन-चार वाट्या
साहित्य आमटी - 
वाटप - (ओल खोबरं ३ वाट्या, थोडा कच्चा कांदा - २ टे चमचे, मिरी १०-१२ दाणे, धणे १.५ टे चमचा) - अगदी बाsssरिक वाटायचं.
चिंचेचा कोळ, थोडा चिरलेला कांदा फोडणीत - २ टे चमचे,
तेल १ टे चमचा

साहित्य - बारिक चिरलेला कांदा २ वाट्या,
बारिक चिरलेली कोथिंबीर १ वाटी,
जिरे-धण्याची पूड १ च चमचा,
एखादी गरम मसालापूड (अगदी थोडी), चवीला हळद, तिखट, मीठ,
बेसन अंदाजे तीन-चार वाट्या
साहित्य आमटी - 
वाटप - (ओल खोबरं ३ वाट्या, थोडा कच्चा कांदा - २ टे चमचे, मिरी १०-१२ दाणे, धणे १.५ टे चमचा) - अगदी बाsssरिक वाटायचं.
चिंचेचा कोळ, थोडा चिरलेला कांदा फोडणीत - २ टे चमचे,
तेल १ टे चमचा

कृती -
बेसन सोडल्यास गोळ्याचं साहित्यं सगळं नीट एकत्र करायचं. मग त्यात बेसन आणि पाणी घालत पीठ भिजवायचं. भज्याच्या पीठापेक्षा घट्टं हवं. अगदी वळता येतील इतकही घट्टं नको. हाताने गोळे सोडता यायला हवेत.
आमटीसाठी भांडं उभट घ्यावं. म्हणजे गोळ्यांना शिजायला पाण्याची उंची मिळते.

थोड्या तेलावर कांदा टाकायचा आणि किंचित मऊ झाल्यावर पाणी ओतावं. छोट्या लिंबाएव्हढे गोळे (सगळ्या पिठाचे) त्यात एकमेकांशी खूप लगट न करता शिजतील इतकं पाणी हवं. त्यातच हळद, चवीला - चिंचेचा कोळ, मीठ आणि तिखट घालावं.

पाणी खळखळून उकळायला लागलं की, हाताने गोळे पाण्यात सोडावेत. ते शिजले की तरंगायला लागतात. सगळे गोळे शक्यतो लवकरात लवकर सोडावेत म्हणजे एकसम शिजतात. गॅस दणदणीत हवा. पाण्याचं तापमान कमी झाल्यास गोळे विरघळतात. त्यामुळे सगळे गोळे सोडेपर्यंत आणि शिजेपर्यत असेल इतकं भरपूर पाणी सुरुवातीपासून हवं.

गोळे शिजले की, त्यातलच थोडं उकळतं पाणी घेऊन वाटपात घालून गॅस कमी न करताच वाटप ह्या उकडहंडीत घालायचं. वाटप खूप थंड झालं असेल तर गोळे विरघळण्याची शक्यता असते.

किंवा मायक्रोवेव्हमधे वाटप किंचित गरम करून घ्यावं (शिजवून नव्हे) वाटप लावल्यावर गोळे फुटणार नाहीत असं हलकं ढ्वळत रहावं म्हणजे वाटप शिजेल पण फुटणार नाही.

जिरेसाळीचा, आंबेमोहराचा, बासमती असा वासाचा गरम गरम भात अन त्यावर आमटी. किंचित तूप घातलेलंही मस्तं लागतं.

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App

Related News