पालकांकडून पैशाची लुट: शहरातील नामंवत महाविद्यालयांमध्ये प्रकार सुरू

सकाळ वृत्तसेवा (यिनबझ)
Saturday, 15 June 2019
  • केंद्रीय प्रवेश समितीमार्फत अकरावीच्या प्रवेश प्रक्रियेस सुरुवात करण्यात आली. 
  • प्रक्रियेनुसारच अकरावीचे प्रवेश देण्यात येणार असताना. 
  • शहरात 1 जूनपासून अकरावी प्रवेश प्रक्रियेस सुरुवात झाली.

नागपूर: केंद्रीय प्रवेश समितीमार्फत अकरावीच्या प्रवेश प्रक्रियेस सुरुवात करण्यात आली. या प्रक्रियेनुसारच अकरावीचे प्रवेश देण्यात येणार असताना, त्यापूर्वीच शहरातील काही नामवंत कनिष्ठ महाविद्यालयांद्वारे विद्यार्थ्यांच्या "प्रोव्हीजनल' प्रवेश घेत, पालकांची आर्थिक लुट करण्यात येत असल्याची धक्कादायक बाब समोर आली आहे. 

शहरात 1 जूनपासून अकरावी प्रवेश प्रक्रियेस सुरुवात झाली. प्रक्रियेत आतापर्यंत 24 हजारावर विद्यार्थ्यांनी अर्जाचा पहिला भाग भरलेला आहे. अर्जाचा दुसरा भाग भरण्यासाठी शिक्षण विभागाकडून अद्याप वेळापत्रक जाहीर करण्यात आलेले नाही. मात्र, केंद्रीय प्रवेश प्रक्रियेला न जुमानता शहरातील तीन ते चार कनिष्ठ महाविद्यालयांनी समांतर प्रवेश प्रक्रिया राबविण्यास सुरुवात केली आहे. या महाविद्यालयांद्वारे अर्जाचा पहिला भाग भरणाऱ्या पालक, विद्यार्थ्यांकडून लॉगीन आयडी आणि पासवर्ड मागून घेत, त्यांचे "प्रोव्हीजनल' प्रवेश करुन घेतल्याचे कळते. 

यासाठी प्रत्येकी साडेआठ ते दहा हजार रुपयेही आकारले आहे. याबद्दलची कुठलीच पावती कनिष्ठ महाविद्यालयांकडून देण्यात आलेली नाही. त्यामुळे पालक आणि विद्यार्थी चिंतेत आहेत. मात्र, प्रवेश प्रक्रिया अद्याप पहिल्याच टप्प्यात असताना, या महाविद्यालयांकडून अशाप्रकारे पालक आणि विद्यार्थ्यांची दिशाभूल करीत प्रवेश देण्याच्या प्रकार प्रक्रियेला छेद देणारी ठरत आहे. मात्र, या प्रकारापासून केंद्रीय प्रवेश समिती अनभिज्ञ असल्याचे दिसते. विशेष म्हणजे याबद्दल काही पालकांनी तक्रारी नोंदविल्या आहेत. त्या तक्रारीवर विभागाकडून दुर्लक्ष करण्यात येत असल्याचे कळते. 

क्‍लासेसचे टायअप ! 
अकरावीच्या ऑनलाइन प्रवेशातून क्‍लासेसशी टायअप असलेल्या कनिष्ठ महाविद्यालयांवर लगाम बसेल असे सांगण्यात येत होते. मात्र, क्‍लासेसच्या हुशारीपुढे शिक्षण विभाग हतबल झाला असल्याचे दिसून येते. विद्यार्थ्याला कुठल्या महाविद्यालयात प्रवेश द्यायचा हे क्‍लासेस ठरवित असून त्यातूनच हा प्रकार घडत असल्याचे चित्र आहे. त्यामुळे नोंदणी केलेल्या विद्यार्थ्यांना त्याच महाविद्यालयात प्रवेश घेण्यास बाध्य केल्या जात आहे. 

शहरातील काही महाविद्यालयात प्रोव्हीजनल प्रवेश देण्यात येत असल्याचे कळते. त्या तक्रारीवर केंद्रीय प्रवेश समितीमार्फत दखल घेण्यात येईल. यासाठी उपसंचालकांना माहिती देत, या शाळांवर कारवाई करण्याची मागणीही करण्यात येणार आहे. 

विंद्र फडणवीस, सदस्य, केंद्रीय प्रवेश समिती. 

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App

Related News